Tonzang Khua Ah Pehzulh In Kahdohnak A Chuak, Vanlawng In Bom A Thlak Ruang Ah Mipi Inn Tampi A Rawk
The Chinland Post | 2024 May 23 — Chin ramkulh, Tonzang khua ah kahdohnak pehzulh in a fak i SAC ralkap nih vanlawng in bom a thlak caah khuachung mipi inn pawl a ciam, ralzaam minung 1 an thlop manh lo caah a thi tiah Tonzang peng mipi uknak phu nih an thanh.
May 22 zinglei sml 1:00am thawk in khuadei tiang SAC ralkap nih vanlawng in bom a thlak lengmang caah kaphnih karlak kahdohnak zong a fak rih, May 23 zaan sml 10:40am hrawng ah Tonzang khuachung ah kahdohnak thawngpang a thang ṭhan i SAC ralkap kahdohnak ruang ah khuachung sang 2 um mipi inn le Khaunglaigozan sang um mipi inn 2 a ciam tiah theih a si.
Cu May 22 ah cuap zawtnak a tuar mi ralzaam 1 cu an thlop manh lo caah a thi tiah theih a si.
May 23 ahcun Tonzang khua ah kahdohnak pehzulh in a chuak i ralzaam an karh tiah theih a si.
Cun Tonzang khua ah nunchung thong tla ding le kum saupi thong tla ding in biakhiah mi ramkhel thongtla 3 cu May 22 ah Chin dothlennak phu pawl nih an chuah khawh hna tiah Tonzang peng mipi uknak phu nih an thanh fawn.
SAC lei nih Tonzang khua an sungh nakhnga lo SAC lei nih vanlawng 4 in May 22 ah thazang a chap i khuachung ah ralkap a samh caah kahdohnak pehzulh in a chuak rih ko tiah Salai Htet Ni nih a chim fawn.
About The Author
