Trump le Kim Jong-un Cu Singapore Ram Ah A Hmasa Bik An I Tong Lai

TCP-Thantlang| 2018 May 11| American President Donald Trump le North Korea lutlai Kim Jong-un cu a ra lai mi hmai thla 12 ni Singapore ram ah ton dingin Trump nih thawngthanhnak a tuah cang. Hi tonnak cu North Korea lutlai Kim Jong-un le President Donald Trump a voikhatnak bik hmaitonh in an i ton a si lai.

Hi tonbiaruahnak ah a bik in kan ceih ding cu vawleipi a daihnak ding caah kan pahnih kan i tonnak nih hin a chuahpi lai” tiah Mr. Trump nih a chim.

North Korea nih American ram mi thawngtla minung 3 a chuah hna hnu caan tlawmpal suimilam chung ah a tubantuk in Trump nih thawng thanhnak a tuah hi a si. Kim Jong-un zong nih North Korea ram hi vawlei pi caah thathnemnak ngei dingin ruahchannak a ngei ve theo lai tiah Trump nih a chim.
Ref: RFA

Na ruahning rak langhter ve.. (Leave a comment)

%d bloggers like this: