Tukum Tanghra Phi Ding Pa Pakhat Cu A Pu Nih Namte In Thilak A Sawh
TCP-Online| 2018 March 11| Rakhine ramkulh Pauhtaw khuate ah tukum tanghra phi dingmi pa pakhat kum (16) cu a pu nih namte he thi lak in a sawh.
Pauhtaw palek zung lei nih “March 3 ni zan suimilaam 10 tluk ah a cangmi thil a si. A thattu a pu hi misual ngaimi a si. Thong a tla i a rak chuak ka mi zong si. A thah dih hin a zaam i tu tiang kan hmu kho rih lo. Tlaih ding in kan kawl cuahmah ko” tiah an chim.
A thimi pa cu Pauhtaw khua sianginn ah siangcachim vemi U Tan Maung fapa Tinh Zaw Htoo (16), tukum tanghra phi dingmi a si.
Hringtu a pa U Tan Maung nih cun “A thattu a pu hi keimah ka nu i a nau fapa a si. Hi zan ah hin an inn ah ka nu he kan hei leng. A bia a fah deuh caah kan buai sual lai ka ti i ka nu he cun kan lawi tak. Kei le BED exam a phi ve ding ka si tikah inn ah ca ka zoh. Ka fapa hi a hawile inn ah ca a zoh ve. Inn lei a van lawi pah hin a pu nih a hnu in a dawi i zeihmanh sualnak a tuah lomi ka fapa hi thi lak namte he a chunh hi si” tiah a chim.
Tinh Zaw Htoo cu a hnak ah namte chunhnak hliamhma he nunnak a liam mi si. A chun ka hin a thaw a chuah khawh rih ko nain siizung an phak ah siibawi te nih khamh manh loin a thaw a dih ve. A thattu pa a pu zong tu tiang palek nih tlaih dingin an kawl cuhamah lio a si.
Ref:Niretya
About The Author
