May 21, 2024

Mandalay Ah Sinum Rian Tuanmi Nu Cu Innngeitu Nih Acid Hang He An Toih

0

TCP-Online| 2018 March 11| Mandalay khuachung Chanmyatthasi sang ah sin um rian a tuanmi Nan May Zin Oo cu inn ngeitu nih Acid hang he a toih caah a taksa cheukhat cu zohtlak ti lo le a mit khatlei caw in a um.

Thil singin cu; Nan May Zin Oo hi Shan ramkulh in Mandalay ah riantuan in a ra. Mandalay khuachung Daw Moe Moe nih dawr a tuahmi ah rian a tuan, 2009 kum ah. Dawr ah thlahnih tluk a tuan hnuah innngeitu nih a dawr a phih than i a inn ah sinum riantuan dingin a fial. Cuticun, 2010 kum ah innngeitu Daw Moe Moe i a naupa nih Nan May Zin Oo cu an duh uar tikah a u nu hi a thin hung i Nan May Zin Oo cu ti aa kholh lioah Acid hang he a toih hi si.

 

Cu ni thok cun Nan May Zin Oo cu inn leng zong chuak ngam ti lo le chuak kho ti lo dingin innchung ah an erh peng i tukum 2018 kum March 1 ni ceo khan a thli in a riantuannak inn cu a zaam tak. Hiti a zaamtak tikah innlei panh colh lo cun Mandalay Women Organization lei a va panh colh hna. Mandalay Women Organization nih rianhma an lak colh i inngeitu hna cu palek ah report an tuah colh ve.

Nan May Zin Oo hi Daw Moe Moe te inn ah rian a tuan chung kum 10 chung hi thlahlawh zong zeihmanh an pek ti zong theih a si.

Mandalay ramthen palek nih inn ngeitu Daw Moe Moe cu (Pah) 101/2018 le upadi pohmah 24/32 in sual an phawt i a bia zong an ceihpiak cang ti theih a si.

Ref:Myanmar News Now

About The Author

Na ruahning rak langhter ve.. (Leave a comment)

%d bloggers like this: