Tum Hnem Mualcin Nih Camp Victoria Ks. Sing 100 A Bawmh Hna

The Chinland Post| 2019 June 17| Dallas, Taxes (USA) khuasa Tum Hnem Mualcin @Hnemhnem (Rev. Zammang Mualcin far) nih CNF camp Victoria a ummi Siiai zalhnak (medical supply) caah Ks. sing 100 (10,000,000) a bawmh hna tiah kan theih.

Hi kong he pehtlai in CNF upa Col. Solomon Thang Ding nih, “Atu bantuk in Tum Hnem Mualcin nih ks. Sing 100 a kan bawmhmi cung ah kan i lawm tuk. Tlamtlingte in kan hlam i kan kut cung a phan cang. Fur a hung tla cang i kan herhmi tete a tam lio caan ah a kapkip in mi dangdang sin zong in bawmhnak kan hmu i kan i lawm  ngaingai. Bawmtu, pechantu dihlak cung ah Bawipa Pathian nih thluachuah pe chinchin ko hna seh” tiah The Chinland Post ah a chim.

Tum Hnem Mualcin hi Laitlang a khua cu Hakha peng Vantlang a si.

A tanglei bantuk in Global Zokhua Peng Facebook Page ah an langhter.

“Lunglawmhnak Thawngțha”

“Dallas, Taxas (USA) khuasa Tum Hnem Mualcin (Hnemhnem, Rev. Zammang Mualcin far) nih Camp Victoria a ummi Medical Supply cawknak caah tiah MMK. 10,000,000 (sing zakhat) a kan kuat. Chin miphun Dothlennak rian ah Zokhua peng fanau chungin hitluk tiangtiang dirkamhtu le bawmchaantu kan ngeih cu lawmh a um taktak.  Nan rak i lawm cio theu lai. Hmailei a rianțuannak le aa timhtuahnak paoh ah Bawipa Pathian nih lamhruai sehlaw thluachuah vanluh țhumhthlak ko seh.

Tum Hnem Mualcin

Hi thawng hi Camp Victoria pastor a tuan cuahmah liomi Rev. Tluang Hre nih a tial ning tein forward kan rak tuah chinmi a si. Tum Hnem Mualcin hi laitlang a khua cu Vantlang a si. Kan peng min thattertu le zohchun tlak tuanbia dawh taktak a kan tialpiaktu kan nusal tha a si” tiah an langhter.

Cu bantuk in “ US ummi Rev. Zam Mang Mualcin Khrihfabu CEBC Dallas nih Victoria Camp ah inn saknak ah ti’n $6000/ an bawmh hna. Cu pin ah Rev. Chan Hnin Thui te Khrihfabu Agape Baptist Church Dallas, Texas nih Victoria Camp inn saknak (inn 2) ah ti’n $4000/an bawmh hna tiah an langhter chih.

Ref: Global Zokhua Peng

Leave a Commnet

%d bloggers like this: