U Win Htein Nih NLD Party In Chuahnak Nawl A Hal

TCP-Online| 2018 March 18| NLD Party ah Central Committee member pakhat simi U Win Htein nih NLD Party in chuahnak ca pek in nawlnak a tuah tiah NLD Central Committee President U Ngain Win nih a chim.

Australia ram a phanmi U Win Htein cu a luancia zarh thum hrawng khan Party in chuahnak ca a pekmi a si ti U Ngain Win nih cun a chim.

“Chuahnak ca a van tial. NLD Central Committee ah a van apmi a si. Lehnak bel kan pe rih lo.”

NLD Party ah cunglei hruaitu simi U Win Htein (77) cu tukum January thla khan a fapa nupi ngeihnak Australia ram ah a kal.

Ralbawi hlun U Win Htein cu 1988 ah NLD Party rak dirh kaa in a dirhtu pakhat bantuk a si i thong ah kum saupi an rak thlak balmi zong a si.

1989 in 1995 tiang thong an rak thlak. 1996 in 2008 kum tiang an rak thlak than i suimilaam 24 hmanh an luat ter hlan ah an tlaih than i 2010 tiang thong an rak thlak than.

2012 kum thimnak ah Mandalay ramthen Meihthila in Pyituh hluttaw ah MP a rak i cuah, 2015 thimnak ah cun MP zong a rak i cuh ti lo.

Ref: DVB

Na ruahning rak langhter ve.. (Leave a comment)

%d bloggers like this: