US Nih Daw Aung San Suu Kyi Minthatnak An Pekmi Chuh Than Dingin Hluttaw Palai Cheukhat Nih An Ruah

0

Aung Aung| 2018 March 14| Rakhine ramkulh chaklei um Rohingya pawl cungah zaangfah ngei lo ruru hrang hrang in thil tuah mi kong ah zeihmanh a holh lo caah 2013 ah US Congress he pehtlai in minthatnak an rak pek mi cu chuh than dingin US Democratic Party MP cheukhat nih an ruah tiah theih a si.

Daw Aung San Suu Kyi dirhmun in amah nih a tuah lomi hi sualnak kong ahhin thil sining pakhat khat kha langfiang tein chim ah a za ko mi zeihmanh a chim duh lo mi amah pumpak hi sualnak ah aa tel ve sual maw a silo ah dai tein an hei um ko bia dah a si hnga tiah California ramkulh MP Ro Khanna nih a chim.

California ramkulh MP dang pawl zong nih hi hi an ruah cio mi a si nak kong an ceih mi kan theih a a chim fawn. Ro Khanna nih a hmuh ning cu, Rohingya pawl Myanmar ralkap nih an tukdoh mi hna mizapi theih in fak ngai in chimphuan ding in Daw Aung San Suu Kyi nih a rak i timhmi ruangah a luancia kum 5 ah khan Congress minthatnak hi pek a rak si i tu ah dai tein a um than caah hi minthatnak hi chuh ding in MP pawl nih ruah than ding lei a hoih cang tiah a ti.

Noble Peace Prize a cotu pakhat dirhmun in hi kong hi dohdalhnak bia fak piin a chim awk aa tlak. Cun Congress minthatnak chuh ding timi kong ah ka lungtling i kuthlir ve ding in timhcia ka si tiah California ramkulh MP Ami Bera zong nih a chim.

Virginia ramkulh Democrat Party MP Gerry Connolly nih cun ralkap amah hruaimi mizapi cozah kal ah thil kal pi ding hi a har tuk mi cu a si ko nain rohingya kong i zeihmanh a chim lomi hi cu thil pakhat khat sonhtarhmi ngeih dawh a lo tiah a chim.

New York ramkulh Democrat MP Joseph Crowley nih cun Daw Aung San Suu Kyi nih hin amah i fawih lo ding tein zulhphung he aa tlak tein chim ter a duhnak kong a chim i New York thiam thiam in Nu MP Anna Eshoo nihcun kan zohchung mi miraltha nu zeitin dik a si cang ko ual, hibantuk kong ah zeihmanh holh loin a ummi nih hin vawlei pi i upat mi DASSK a lim hang a zor ter ngai ngai tiah a hmuhning a chim.
Ref: RFA Burmese

About The Author

Na ruahning rak langhter ve.. (Leave a comment)

%d bloggers like this: