USCB nih ‘Burma Act’ fehternak ‘advocacy’ tuahmi ah CHRO nih biachimnak a ngaih
Chinland Post| 2022 February 1 — US Campaign for Burma (USCB) nih tawlrelnak in tuahmi Ralkap nawlngaihnak an lak kumkhat tlin camtuak le US nih Burma Act a fehternak (pass) nak ding ah tuahmi tonpumhnak ah Chin Human Rights Organization (CHRO) nih January 27 ah nuhrin covo kongkau he pethlai in biachimnak a ngeih tiah kan theih.
Tutan (Online) tonbiaruahnak ah US House Foreign Affairs Committee in Chair Gregory Meek zong sawm a si bantuk in, amah nih a thawk biachimnak a ngeih, ‘Burma Act’ phung in fehternak ding ah ka zuam lai a tiah a chim. Cun, CHRO hi a biapi in Ramkomh Kawlram kong chim ding ah sawm an si bantuk in, Salai Za Uk Ling, Deputy Executive Director nih biachimnak a ngeih.
CHRO in Salai Za Uk Ling nih a tu bantuk tonnak ah biachimnak a ngeihnak ah Karenni Human Rights Group (KnHRG), le Kokek thilchuak zohkhennak ah tuanmi phu dang zong an i tel tiah theih a si. A thawknak ah, United States House Committee Foreign Affairs Chairman nih biachimnak a ngeih.
Tulio Ramkomh Kawlram ah ramkhel buaibainak ruang in a thawkmi nih a chuahpi mi dohthlennak ah covo lei in harsatnak tonmi kong he pehtlai in chimfiannak a ngeih.
A hlei khun in, CHRO Za Uk Ling nih a chimmi le halmi cu; Atulio kan tonmi kongkau he pehtlai in, US phungsertu hna nih thencheunak um lo tein party pahnih fonh in Burma Act kong ah hnatlaknak nan kan ngaihpiak dingmi hi a si. Cucu, kan ram zauk phung a len khawh thannak hnga ding ca le nuhrin covo a um khawhnak ding ah kan i ruahchannak a ngan bik a si” tiah a chim.
Atu bantukin tonnak ah US House Chairman nih hi Burma Act pass (fehternak) ding ah ka zuam ve lai tiah a chim. Cun, Sentate zong ah pass an pass khawnak ding ah a zuam cuahmah mi a si hi tonnak ah a telmi sin in kan theih.
Hi hlan, January 27 thiam ah CHRO palai Salai Mang Hre Lian nih atulio Ramkomh Kawlram kongkau le nuhrin covo kong he pehtlai in UN High Comissioner Michelle Bachelet tonnak a ngeih tiah kan theih.#
About The Author
