Vanmi Productions Hmanthlak Zuamnak Laksawng Zomi Thang Bawi nih A Co

Vanmi Productions Hmanthlak Zuamnak Tuahmi ah Winner Hmanthlak/Zomi Thang Bawi

TCP-Hakha| 2020 December 13| US hrambunh Vanmi Productions hruainak in Chin nunphung a langhter khomi hmanthlak zuamnak, Chin hmanthlatu hna thanchonak le thilthar tuakthiamnak (creative mind) ca muitinh in Hmanthlak zuamnak cu December 6-12, 2020 chung an tuah mi ah Zomi Thang Bawi nih pakhatnak a ngah tiah kan theih.

Laksawng peknak le biachimnak hi December 13, 2020 CACC zanlei 1-3pm ah tuah a si i Rev. Dr. Za That (CACC GS), Salai Lian Thawng (Founder of Vanmi Productions), Pu Zo Tum Hmung (Executive Director, Chin Association of Maryland) le Lallawmpuia (CEO, The Hakha Times) hna nih biatawi chimnak an ngei.

“ Zuamnak ah tawlreltu hna le zuamnak a tlam a tlin khawhnak caah aa zuammi dihlak cungah ka lawmtuk. Hi bantuk kan tuahmi nih hmailei Chinmi hmanthlak lei tha kan pek chin khawhnak hnga, hmanthlak ningcang cawn duh hngalhduhnak kan ngeih chin khawhnak hnga a si. Hmailei zong hi bantuk pehzulh in kan tuah khawhnak hnga tha kan pe cio u” tiah Vanmi Production Lutlai Salai Lian Thawng nih a chim.

Chin nunphung a langhter kho dingmi hmanthlak zuamnak ah minung (7) an izuam i pakhatnak ah Zomi Thang Bawi, pahnihnak Salai Joseph le Pathumnak laksawng cu Neng Lian Sang an si. Tutan zuamnak ah Judge (mark petu) hna cu Salai Biak Cung Lian Thawng Za Kung (Norway), Salai Tial Bawi Ling (US) le Mai Anna Biak Tha Mawi (Kawlram) an si. Mark an tuak ningin mark petu hna 70% le online like le share 30% in tuakmi a si tiah theih a si. Zuamnak hmanthlak vialte cu CACC pek a si.

Zuamnak Pakhatnak laksawng ah – 200,000 MMK , Pahnihnak Laksawng – 150,000 MMK, Pathumnak Laksawng – 100,000 MMK pek an si I a dang aa zuammi paoh Ks.30,000 laksawng pek an si. Vanmi Production cu US hrambunh Video, Hmanthlak le Livestream lei rian a tuanmi an si i Chin mi zuk, muicawl le thawngpang lei thanchonak caah a cawlcang cuahmahmi a si tiah kan theih.

 

Na ruahning rak langhter ve.. (Leave a comment)

%d bloggers like this: