Wine Hangsenmi Dinpiaknak Nih Ngandam A Thatter Deuhnak Phun 9
Chinland Post| 2018 January 24| Wine siseh, beer siseh, zuu siseh zei paoh te hi a eidin zia thiam ahcun ngandamnak caah sii an si. A eidin zia thiam lo belte ahcun zawtnak le thihnak an si kho ve. Cucaah, zeitluk in dah wine hangsen (wine red) dinpiaknak nih ngandamnak a thaternak timi phun 9 hun zohti hna usih.
1. Cancer A Kham Khawh
Wine hangsenmi chung ah resveratrol timi polyphenol (thing/ram hnah in a chuakmi chemical thil phunkhat) aa tel i cu chemical thil cu antioxidant pakhat a siter khawh. Phundang in cun takpum chung i cell (thahri) pawl hma-fah tuarnak in a runven khawh i zawtnak dangdang zong a thahpiak khawh. A bik in wine hangsen dinpiaknak nih rilpi cancer le cuap cancer pawl a runvenpiak khawh.
2. Thluak Dernak A Hrawhpiak Khawh
Naite ah an tuahmi hlathlainak hmuhchuahmi (researcher) ah mitsur a senmi le wine hangsen mi chung ah aa telmi resveratrol timi chemical thil phunkhat cu kumkhua ruang ah thluak cinken khawhnak tha a dermi kha a bawmhchanh i a runvenpiak khawh ti a si.
3. Lung Le Lung Thahri Zawtnak A Runven Khawh
Nature timi Journal nih a langhtermi ah wine hangsen dinnak nih endothelin-1 timi chemical thil phunkhat kha a chuahter khawh. Cucu, thahri awngkua velchum ah thau a khalmi, aa benh khomi protein dat phunkhat a si. Thahri awng velchum ah thau pawl an i fun tikah lung awngkua bitnak a chuak kho. Wine hangsen dinpiaknak nih cu zawtnak chuak kho lo ding in a runven khawh.
4. Takphin Le A Pormi A Damter Khawh
American Chemical Society chimning ah wine hangsen chung ah hmuh khawhmi phenol dat hi thi chung ah aa telmi cell pawl aa funtommi kha a runvenpiak khawh caah thahri pih zawtnak a runvenpiak khawh. Cun, hangsen dinpiaknak nih tak a phingmi le hma a pormi tibantuk pawl zong a tha bik in a doh i a damter khawh.
5. Alzheimer’s Zawtnak Ral A Runven Khawh
Wine hangsenmi chung ah aa telmi resveratrol dat hi khuaruah, tuaktaan khawhnak thilri phunkhat a siter khawh iAlzheimer’s zawtnak a canter khotu thi pawl kha a tha a derter khawh. Sihmanhsehlaw, kumkhua a upat tikah a cang khomi khuaruah, tuaktaannak tha a dermi kha a dohpiak khawh.
6. Thithlum Zawtnak A Runven Khawh
Oxidative stree timi pum chung ah oxygen dat ruang ah cell pawl hi dat an hung si. Cuti thil a cangmi nihcun thithlum a siter khotu thi chung dat thlummi pawl kha a ser khawh. Wine hangsenmi dinpiak ahcun thithlum ngeitu pawl caah thi a thlumter khotu hmelchunh (character) pawl kha a zorter deuh.
7. Ruh Ngan Zawtnak A Chuahter Lo
Wine hangsenmi chung ah aa telmi silicon dat hi ruh tampi a chahter, a nganter khawh i nu pawl thi a pih tikah a cang tawnmi ruh thader zawtnak a runvenpiak khawh. Cun, thi a pit cangmi nu pawl caah homone airawlh thlopbulnak ah hmanpiak tawnmi estrogen timi sex lei homone zong wine hangsenmi nih a pek khawh.
8. Thikai A Tumter
Wine hangsenmi chung ah aa telmi dat phunkhat provinol cu nitrix-oxide ruang ah a cangmi thikainak kha a intuarpiak khawh i a hrawh/dohpiak khawh.
9. Kal Ah Lung Um Zawtnak A Runvenpiak Khawh
Harvest University in sii lei thiamsang nih hlathlainak an tuahmi ning ah nikhat ah a caanhmaante in wine hangsen mi hraikhat lengmang dingtu hna cu lung i kal um tibantuk zawtnak ngei lo ding in a runvenpiak khawh hna an ti. Wine hangsen mi hi tlawmte in dinpiak lengmang ahcun kal i lung um zawtnak le zunlung zawtnak tampi a zorter khawh.
Ref: Organicfacts/Duwun
About The Author
