Yangon Ramthen Hluttaw Inn Cu Hriamngan In An Kah
Salai Mangpau | September 9, 2023 — SAC hmunhma, Yangon ramṭhen hluttaw inn hmun chung ah hriamngan in an kahnak kong cu Yangon nitlak lei pengkomh mipi ralkap ṭuanvo ngei tu nih People’s Spring ah a chim.
“Kan nih hi mipi ralkap lei nih khuakhan lairelnak ah khuachung um SAC uknak, ralkap hmun, sipuazi an tuah khawh lo nakhnga a lamkip in kan doh peng ko lai. Ralhrang uknak a dongh tiang kan doh peng lai tiah Yangon ramṭhen mipi ralkap nih a chim.
September 9 zinglei sml 4:30am hrawng ah Hluttaw zung hriamngan in an kah hi a si i an I tinhnak hmun ah a puak ko tiah theih a si.
Mah hluttaw inn hmun chung ralkap duty mi a thar an hun i ṭhial ka te a si i, hriamngan kahnak ah hliam tuar an um ko lai, hluttaw inn hmun chung ah DC motor pahnih, Faw le motor dang pakhat an hun lut kha a hmutu hna chimnak in kan theih a si mipi ralkap nih an chim.