2020 Kum Chin Ram In Tanghra A Phi Ding 14000 An Hlei; Kumdang nak An Tambik

Salai Bawi Lian Sang| TCP-Kalay| 2020 March 11| 2020 kum Chin ram in  tanghra a phi dingmi sianghngakchia 14165 an si tiah Chin ram fimcawnnak zung in thawng kan theih.

2015 kum ah 9638 an phi i 1720 an awng, zatuak in 1785% an awng. 2016 kum ah 9846 an phi i 1414 an awng, zatuak in 14.36% an awng. 2017 kum ah 9725 an phi i 1852 an awng, zatuak in 19.04% an awng. 2018 kum ah 10168 an phi i 1692 an awng i zatuak in 16.64% an awng. 2019 kum ah 12004 an phi i 2110 an awng, zatuak in 19.59% an awng.Tu kum ah 14165 a  phi ding an si caah nikhumnak in 2000 an hlei.

2019 kum Chin ramkulh tanghra result a chuakmi ah tanghra sianginn 16 in siangngakchia pakhat hmanh an awng lo, an sung dih tiah kan theih.

2018-19 cacawn kum ah Chin ramkulh tanghra sianginn le siangngakchia umnak sianginn zapi hi 92 a si. Hi chung ah tanghra sianginn 16 cu siangngakchia pakhat hmanh an awng lo. Hi sianginn 16 ahhin tanghra a phimi siangngakchia zapi hi 372 an si tiah Chin ramkulh Fimcawnnak zung cazin ning in kan theih.

2019 kum Chin ramkulh tanghra sianginn pakhat hmanh an um lonak cu; Thantlang peng- sianginn 3, Falam peng- sianginn 4, Tedim peng- sianginn 1, Tonzang peng- sianginn 2, Mindat peng- sianginn 2, Matupi peng- sianginn 1 le Paletwa peng – 4 an si.

2019 kum ah tanghra pakhat hmanh an awn lonak sianginn le  camipuai a phimi zat cu a tanglei bantuk in an si.

Thantlang peng in Tlangpi ah minung 4 an phi, Farrawn 6 an phi, Aibur 3 an phi, Falam peng in Bualkhua 8 an phi, Lunghawh 6 an phi, Weibulah 10 an phi, Saungdo 13 an phi, Tedim peng in Dawlun 12 an phi, Tonzang peng in Tuimang 6 an phi, Khumnuai 26 an phi, Mindat peng in BEHS-No.3 – 45 an phi, Lohshae 7 an phi, Matupi peng in Mado 29 an phi, Paletwa peng in Meiksawa 49 an phi, Miza 94 an phi, Shinletwa 51, Mungtanu 3 an phi tiah Chin ramkulh fimcawnnak zung cazin in kan theih.

Na ruahning rak langhter ve.. (Leave a comment)

%d bloggers like this: