2021 Kum Victoria Tlanghram Tiang Ke Kainak Lamthar in Kal Khawh a si lai

Salai Bawi Lian Sang| TCP-Kalay| November 24, 2020| Chin ramkulh, Kanpetlet peng chung um Mount Victoria( Khonuntung)tlang cu 2021 kum, Ke in tlanghram tiang kai le kal khawh a si lai tiah Chin ram Hotel le Khualtlawngnak lei Director U Aung Phyo nih a chim. Khonuntung tlanghram tiang kainak lamthar cu Kanpetlet peng Khual tlawng lei tawlrel tu phu hna hruainak le Chin ram Hotel le khualtlawngnak zung komh in lamthar an hmuh hi a si.

“Kanmah nih Khonuntung tlanghram tiang kainak lam thar kan kawl lio a si. Nihin tlang kainak hi Mile (4) sakhan in motor lam a um. Mindat peng lei in rat khawh a si ve ko. Mile (10) sakhan in ke kalnak (Trekking) lam, le motor cycle in kal khawh a si. Tlanghrang tiang cu onh a si lo. Tlangtang felon3 in 4 tiang kal khawh a si. Mah cycle kalnak lam hrial mi kokek thingkung pangpar dawh le khua le ram cuanhpah bu in ke kal lam thar cu tuah piak a si ” tiah U Aung Phyo nih a chim.

Victoria tlang cu National park cu Rili in a san pe(10,300) hlei, area (176,202) a kau. 2018 kum ah ramdang in khualtlawng minung(2364) le ramchung in minung(16,904) tiang an ra” tiah Chin ram kulh hotel le khualtlawgnak zung cazin nih a langhter.

“Covid-19 hrik a thiang in khualtlawngnak cu on than asi lai. Ke kalnak lamthar zong January thla 2021 ah dih ding in kan tuah. 2021 kum ah ke in tlanghram tiang kai khawh a si lai tiah U Aung Phyo nih cun a chim.

Mah Victoria tlang ah mansung taungzalet par a rang mi le a senmi, van va te phun tling le thingkep par tamngai an um hlei ah kokek par dawh phun tampi umnak a si caah ramchung ram leng in tlang kai mi an tamnak a si. National park ah a zoh tu minung pakhat lutman ah October thla in kyat 2000, Motor ngan pakhat (5000), motor hme pakhat(3000), Motor cycle pakhat(1000) kyat pek ding in rikhiah a si cang tiah Chin ram cozah lei in theih a si.

Credit-Taungzalat Time