2023 Thla 9 Chung KNU Hmunhma Kahdohnak Ah SAC Lei 3,800 Leng An Thi
The Chinland Post | 2023 October 12 — KNU nih a tlaihnak Kawthoolei hmunhma ah 2023 kum hramthawk in September thla tiang thla 9 chung ah KNU kuttang ralkap pawl le SAC ralkap karlak ah kahdohnak voi tampi a chuak i SAC ralkap 3,865 an thi tiah KNU nih a thanh.
Thla 9 chung KNU hmunhma ah KNLA, KNDO le SAC ralkap pawl karlak ah kahdohnak hme voi 3,570 a chuak i SAC ralkap lei 3,865 an thi 2,260 an i hliam tiah KNU cazin nih a langhter.
KNLA le KNDO lei in thla 9 chung ah hriamtlai 112 an nunnak a liam i 399 an i hliam ve tiah theih a si.
SAC lei nih cun a ralkap pawl a thi mi cazin kha mi zapi theih in a langhter bal lo bantuk in KNU cathanh he pehtlai in zeihmanh bia lehnak a tuah lo.
About The Author
