Central Command Umnak Mandalay Palace မန္တလေးမြို့နန်းတွင်: Cu Mipi Ralkap Nih 107 mm In Voi 6 An Kah
The Chinlandpost | December 22, 2023 — Central Command umnak Mandalay khuapi, မန္တလေးမြို့နန်းတွင်: Aungmaytharsan peng, cu December 21 zinglei ah hriamngan 107 mm in voi 6 an kah tiah PDF Insight sin in theih a si.
107 mm bom kahdohnak ah Brave Warriors For Myanmar (BWM) in ṭuanvo ngeitu pakhat nih, Central Command Headquarter uktu le a changtu umnak zong hriamngan 107mm in voi 6 in an kah i voi 5 cu tlamtling tein a puak tiah a chim.
Kahdohnak ah a thi mi le aa hliam mi an um le um lo theih a si lo i SAC ralkap pawl cu khuachung ah chekhlatnak an tuah tiah theih a si.
Central Command umnak Mandalay Palace kahdohnak ah Mandalay Security and Special Task Force (MDY-SSTF), Pyin Oo Lwin pengkomh Pah Kah Phah, No More Dictatorship NMD-PDF le Brave Warriors for Myanmar hna bawm in an kah hna hi a si.
North-western Command (အနောက်မြောက်တိုင်းစစ်ဌာနချုပ်) Monywa hrambunh, Southern Command (တောင်ပိုင်းတိုင်းစစ်ဌာနချုပ်) Toungoo hrambunh, South-eastern Command (အရှေ့တောင်တိုင်းစစ်ဌာနချုပ်) Mawlamyine hrambunh, North-eastern Command (အရှေ့မြောက်ပိုင်းတိုင်းစစ်ဌာနချုပ်) Lashio hrambunh le Central Command Mandalay hrambunh cu mipi ralkap lei nih an kah pah lengmang tiah theih a si.
About The Author
