Chinram Ah Buddhist Mission Sianginn
Salai Mangpau
2018 kum October 20 ah Zomi Post Media nih Tedim peng ah a um mi Phungkicawng ah Chin ngakchia (106) Phungki le milem an biakter hna. An sianginn kainak a hmun bak ah an lak mi a si. Interview an tuah mi zong ka rak zoh. A mak ngai. India ramri lei um mi Tedim khuate deuh le Kanpetlet khua lei in a ra mi an si. Tedim khuachung um mi hna zong an rak kai ve ti a si. Biatak thlak tein Buddhist mission rian an rak ṭuan. Mah phungkicawng a bawmchantu bik hi Yangon um Tatlan Concrete company an si.
Buddhist Phungki Pakhat A Bia: Tlangcungmi lak ah Buddhist biaknak a karh khawh nakhnga ca ah biatak tein a cawlcangtu phungki pakhat nih Chinmi le adang tlangcungmi pawl Buddhist ah luhter khawh nakhnga biatak tein cawlcangh a hau cang tiah Mizzima sin ah a chim. Tlangcungmi umnak lak ah sianginn tampi kan sak a hau, sianginn kan sak hnu lawng ah Buddhist biaknak a karh kho lai, biaknak dang nih an chilh tuk cang hna, zoh sawhsawh awk a ṭha ti lo, miphun pakhat kan si ko nain biaknak dang an si ahcun kan i ṭhencheu chin lengmang tiah phungki pa nih a chim. Chinram le Naga ah phungki tampi kan thlah hna, Myanmar cozah nih a thlah mi an si, hi phungki hna an herhmi pawl kanmah nih kan bawmh ve hna tiah a chim chih. Tlangcungmi lak ah rian a ṭuan mi phungki hna ca ah bawmhnak pek cio ding zong ah mipi a forh chih fawn hna. (Mizzima, Posted on March 20, 2017 by admin in BURMA // 0 Comments.)
1.Chinram ah Buddhist Siangngakchia le Sianginn Sining
| Min | Buddhist | Bakah Sianginn | Siangngakchia | Saya | Phungcicawng |
| Hakha | 922 | 2 | 88 | 9 | 9 |
| Thantlang | 74 | 2 | |||
| Falam | 262 | 2 | 28 | 4 | 10 |
| Tedim | 875 | 2 | 307 | 16 | 4 |
| Tonzang | 338 | 1 | 40 | 2 | 3 |
| Rihkhawdar | 88 | 1 | |||
| Cikha | 13 | 1 | |||
| Mindat | 14513 | 6 | 240 | 21 | 58 |
| Matupi | 60 | 21 | 2 | 12 | |
| Kanpetlet | 7202 | 2 | 172 | 7 | 38 |
| Paletwa | 33215 | 82 | |||
| Sami | 1082 | 1 | |||
| Reazua | 55 | 1 | |||
| Lailenpi | 1 | ||||
| Khaikam | 400 | 1 | 30 | 9 | 2 |
| Dihlak | 59099 | 16 | 926 | 70 | 232 |
| Khua | Milu | Biakinn | Khuachungbiakinn | Khuate biakinn |
| Hakha | 44750 | 173 | 41 | 132 |
| Thantlang | 51782 | 245 | 17 | 228 |
| Falam | 49229 | 427 | 55 | 372 |
| Tedim | 89178 | 387 | 26 | 361 |
| Tonzang | 30819 | 181 | 14 | 167 |
| Rihkhawdal | 3506 | 50 | 23 | 27 |
| Cikha | 1463 | 7 | 7 | |
| Khaikam | 2614 | 4 | 4 | |
| Mindat | 31069 | 127 | 11 | 116 |
| Matupi | 51257 | 231 | 35 | 196 |
| Kanpetlet | 15504 | 156 | 11 | 145 |
| Paletwa | 62303 | 394 | 7 | 387 |
| Reazua | 2469 | 2 | 2 | |
| Lailampi | 2446 | 2 | 2 | |
| Sami | 1836 | 20 | 20 | |
| 440225 | 2406 | 275 | 2131 |
Photo: Chinram ah a um mi Khrihfabu le milu zat
Photo/Bahkah sianginn ngakchia rawleilio
2017 kum March thla report ah Chinram ah milu 504,119, chung in Khrihfa milu, 440,225 – zatuak 87%, Buddhist 59,099 – zatuak 12%, Laipian 3373 – zatuak 1%, Islam 105 – zatuak 0%, Hindu 116 – zatuak 0% le biaknak dang 1201 – zatuak 0% an si. Chinram chung ah Khrihfa milu 440,225 ah Pastor 7300 (Missionary le Evangelist telh lo) hrawng an um. Khuachung um biakinn 275 le khuate biakinn 2,131 an um i, biakinn dihlak ah 2,406 a si. Buddhist milu 59,099 ah Phungki 224 an um i Buddhist sianginn (Bakah) 16, Buddhist (Bakah) siangngakchia 926, Saya 70 le phungki cawng 224 an um. Na-Ta-La sianginn chung in Buddhist 484 an um i Khrihfa 290 an um, siangcachim chung in Buddhist 114 le Khrihfa 18 an um tiah Chin ramkulh ramri le humhimnak cazin ning in theih a si.
Credit- Salai Khin Maung Thein- Chinram Fimthiamnak cauk
(Note: Na-Ta-La siangngakchia le saya an milu zat ka langhter kho lo. 2017 kum March thla)
Peh than dingmi : Chinram Ah Nah-tah-lah
About The Author
