A Voi 73nk Chin Miphun Ni Cu Surbung Airport Onnak Kemh In Hakha A Silo Ah Falam Tuahding Timhtuah

Kum 72nk Chin Miphun Ni, Thantlang Khuapi

Ku Ku| TCP-Hakha| 2021 January 11| 2021, February 20 ah tuah ding mi A voi 73nk Chin Miphun Ni (Chin National Day) cu COVID-19 phung he cunglei nih lungtlin hnatlak ahcun Falam khua pawng  i an sak mi Surbung Airport onnak tuah pah in tuah kan i tim tiah Cozah lei in chimrelnak nawl ngei tu sipin Vuanci Pu Soe Htet nih a chim.

“Tukum cu COVID-19 zawt nak he asi tik ah fawi cu a fawi lai loh, na tein kanmah lei in cunglei lutlai pawl bawmhal in chimding ah ka ruah cuahmah, Surbung Airport zong an dih cang na tein phung ning tein onnak puai tuah a tang rih, Chin Miphun Ni ahkhin onnak puai zong tuah ah tha hnga maw tiah kan ruah. COVID lio he cun minung 30 lawng  an ti caah le February chung mi tam deuh in a ngah an ti ko ahcun Chin Miphun Ni cu Hakha asilo ah Falam pakhatkhat ah tuah in Surbung Airport onnak kemh pah ding ah kan ruah pah” tiah Sipin Vuanci nih a chim.

Chin Miphun Ni tuah ding ah Cozah lei in tuah ding le tuah lo ding  in hnatlak nak a um rih lo na tein February tiangah minung zat khiahmi aa thlen lo ahcun bi tein tuah kan itim tiah a chim.

Ara lai mi Chin Miphun Ni tuah nak ding hmunhma he pehtlai in U Soe Htet nih “Chin National Day tuah a ngah ko si ah cun Falam si lo le Hakha ah tuah ding a si lai. A dang peng zong an mah le khuapi cio ah aa tlakrem ningin tuah khawh a si ko lai” tiah a chim

Chin Miphun Ni cu  Lai nunphung sunglawihnak le thanchonak he kum fatin kan tuah. 2020 a voi 72nk Chin National Day cu Thantlang ah sunglawi ngai in an tuah i Kawlram hruaitu Daw Aung San Suh Kyi nih telpinak le biachimnak zong a ngei tiah kan theih. Ref: Chin World

Na ruahning rak langhter ve.. (Leave a comment)

%d bloggers like this: