Aizawl Lengpui Airport ah Accident A Tong Mi SAC ralhrang Rual An Lak Than Cang
The Chinland Post| January 25, 2024 — January 23 ah SAC ralhrang a latu ding vanlawng cu Aizawl Lengpui vanlawng bual ah accident a ton caah a la kho hna lo. Cucaah January 24, 2024 ah Lengpui Airport ah an hun lak than hna tiah tualchung media nih an langhter.
January 24 ni ah SAC ralkap an lak mi hna hi 93 an si, January 23 ni SAC ralkap vanlawng Y-8 Number 5821 cu accident a tong i minung 14 zong laak chih an si. Minung 14 lak ah mi 8 hliam an rak tuar, an thi lo.
SAC ralhraang 278 hna hi Paletwa lei in Lawngtlai pengkomh ah an lut i Lunglei phanhpi in Aizawl Lengpui Airport phanhpi an rak si. 2024 January 22 ah SAC ralkap 184 cu laak an si cang i January 23 ah laak timh an si nain an valawng nih accident a ton caah January 24 ah an lak hna.
About The Author
