Britain ram Siangpahrang nu Queen Elizabeth II a nunnak a liam
The Chinland Post | 2022 September 9 – Britist Siangpahrang ah a chan a sau bik Britain Queen Elizabeth II (kum 96) cu a nunnak a liam cang tiah Buckingham Palace nih 2022 September 8 ah a thanh.
Queen Elizabeth II cu atulio a umnak Scotland, Balmoral Castle ah a nunnak a liam i a nunnak a liamnak a ruang cu an langhter lo.
Britain Queen Elizabeth cu 2022 June thla ahkhan Siangpahrang a sinak kum 70 a tling i cu kum Siangpahrang a ṭuan 70 tlinnak puai zong cu hlunghlai tak in an rak tuah.
Queen Elizabeth a nunnak a liam caah a fapa The Crown Prince a simi Charles (kum 73) cu King Charles III si ding in Siangpahrang sinak a co lai tiah Britain Siangpahrang tual chung a tawlrel tu Clarence House nih September 8 ah a thanh.
Queen Elizabeth nih 2017 May thla ah Britain ram a tlawngmi Daw Aung San Suu Gyi cu Buckingham Palace ah a rak ton.
About The Author
