CDM Tuah Ruangah Hakha Innwa Bank Riantuan Mino Pakhat Rian Phuah

0

Innwa Bank in CDM tuah ruangah phuah a tongmi Salai Francis/TCP

Salai David Van| TCP-Hakha| 2021 Febuary 17|Chinram Kulh Khualipi Hakha Innwa Bank riantuan mino pakhat cu CDM tuah ruangah 2021 Febuary 16 khan an phuah tiah theih a si.

Hikong he pehtlai in rianphuah atongmi Salai Francis nih ”Kan zungin hohmanh CDM ah an i tel lo. Sinain myanmar ram mino pakhat dirhmun in ralkap uknak tang riantuan ding ka duh lo caah le hramhram in uknak an lakmi ka duh lo caah keimah lungtho tein a hramthok te khan CDM ka tuah colh ve. Cuti CDM ka tuahnak cun kan zung Maneger nih CDM na tuahnak zong zarhkhat asi ko cang i zung rak kai cang . Na kai locun cunglei ah thawng kan thanh lai i na rian kan in phuah lai an ka ti nain CDM a dih hlan lo cu ka kai lai lo a herh ko nan ti ahcun ka phuah te ko u ka ti hna. Cun nizaan ah khan rian in kan in phuah cang. Nangmah zong nih rianchuah nak ca rak tial anka ti nain rianphuahnak ca cu ka tial lo” tiah TCP ah a chim.

Hikong he pehtlai in chim nolh ka duhmi cu ”Uknak latu ralkap teinak ah atha bik mi cu zungrian tuan paohpaoh CDM ah i tel hi asi ko caah zung riantuan paoh CDM ah i tel hram hna usih tiah chim ka duh. Cun mipi zong nih a sikhawh chungin cozah zungkal le Bank kal tbk i sum hram rih hna usih tiah chim ka duh” tiah Salai Francis nih a chim nolh.

Innwa Bank cu ralkap lei ngeihmi Bank a si tiah kan theih. Hakha zungah riantuantu minung 11 an um i Salai Francis nih a chuah tak hna i minung (10) an tang tiah kan theih.

About The Author

Na ruahning rak langhter ve.. (Leave a comment)

%d bloggers like this: