Chief Minister Salai Lian Luai Cu Kawl Media Nih Tonnak An Tuah Khawh Than

TCP-Online| 2018 March 2|ย  NLD cozah a kai hnu in Chin ramkulh Chief Minister Salai Lian Luai cu Chin Media nih voi tampi ton an duhnak an rak hal lengmang. Asinain CM Salai Lian Luai nih Chin Media cu voikhat hmanh tonnak caan zong a rak pe bal hna lo i Kawl Media he cun voi thum tluk tonnak a pek cang hna tiah kan theih.

Kawl Media simi Kamayuat, Irrawaddy le Time Ayeyar hna nih Chinram Chief Minister Salai Lian Luai cu tonnak an tuah khawh cang. Kamayuat Media nih cun NLD cozah a kai kaa hrawng khan a rak tuah khawh cang i Irrawaddy le Time Ayeyar hna nih cun naite February thla hna khan tonnak an tuah khawh ve.

 

Time Ayeyar nih cun Chin Media he tonnak tuah na duh hna lo ti kan theihmi kongah theih kan duh ko tiah biahalnak an tuah i Salai Lian Luai nih cun โ€œMah hihi ton kan duh hna lo zong a si lo. Keimah zaka ah Minister ton ding tampi ka chiah ko hna. Chin ramkulh cozah aiawh in chimnak nawlngeitu zong a um ko. Cun, kei cu khual tlawng pah lengmang mi ka si tikah hin ton an ka duh caan ah kaa manh lo caan hna he aa tong tawn. Tubantuk nanmah nih nan ka ton bantuk kaa manh lio caan hna i ton an ka duh cun caan ka pek ko hna laiโ€ tiah a leh hna.

Chief Minister Salai Lian Luai nih Chin Media ton a duh lonak kong hi avoi 5nak tlangcung Media tonpumhnak (5th Ethnic Media Conference) lio Kaya ramkulh Loikaw khua tuah lio zongah Chin Media pawl nih rak chim bal a si cang. Tuni tiang zong ah Chief Minister cu Chin Media nih voikhat tak hmanh an tong kho rih lo i Chin Mino bu hna le Siangngakchia bu zong nih ton an i harhnak kong an chim. +++

Na ruahning rak langhter ve.. (Leave a comment)

%d bloggers like this: