Chindwin Tiva Ah SAC Ralkap Hriam A Phor Mi Tilawng 11 An Kah, SAC Ralkap 4 An Thi
The Chinland Post | 2023 September 4 — Chindwin tiva chung ah vanlawng datsi, hriam le riahcaw pawl a phir mi SAC ralkap tilawng 11 cu an kah hna i SAC ralkap 4 an thi tiah Brave Heart Army (BHA) nih thawng an theih.
September 2 zaanlei sml 3:00pm hrawng ah Irrawaddy tiva in a rak raa i vanlawng datsi, hriam le riahcaw pawl a phor mi SAC ralkap tilawng 11 cu Monywa pengkomh B10 C2 phu hruainak in bomrap lung 5 an puah hnawh hna i kaphnih karlak kahdohnak hi mins 15 hrawng a rau tiah theih a si.
Tilawng cung SAC ralkap pawl nih meithal an thlah sawh ruang ah mipi inn le biakinn pawl zong a rawk i kahdohnak chung ah SAC ralkap 4 an thi tiah theih a si.
Kahdohnak chung ah Chindwin Fighter Group, Farmer Revolution Force, Monywa pengkomh B09 C03, Bandu la, Brave Heart Army le Salingyi Revolution Army hna an i bawm tiah theih a si.
About The Author
