Chinnu Regina Noi Nih Myanmar Ram Aiawh In Laksawng Phunhnih A Co
TCP-Hakha| 2019 January 28| Myanmar ram aiawh in Chinnu Regina Noi cu Philippine ram khualipi Manila ah January 20-26 tiang tuahmi a hmasabik Little & Teen Glam International Pageant leengdawh zuamnak ah aa zuam i laksawng phunhnih a co.
Miss Teen Glam 2019 zuamnak ah Chinnu Regina Noi nih laksawng phunhnh a comi cu; ‘Best Swimwear le Miss Spoke Model’ an si.
Chinnu Regina Noi cu Miss Myanmar Beauty Paradise nih tuahmi Miss Myanmar Beauty Pradise Chin ramkulh leengdawh thimnak ah Kalay peng aiawh in aa zuam i winner a ngah.
Cu hnu ah Yangon ah tuahmi Miss Myanmar Beauty Paradise Competition Talent Show ah aa zuam i Miss Teen Glam World International Myanmar 2019 award a co. Cu ruang ah Myanmar ram aiawh in Philippine ram ah a va i zuam than hi a si. Leengdawh Regina Noi cu Kalay, Sanmyo (Satawm) sang ah a um.
Miss Teen Glam 2019 zuamnak ah teinak a hmutu hna cu;
Mini Miss Glam – Yasmin Namthip Bylin | Thailand
Junior Mister Teen Glam – Aleks Petrov Yordanova | Bulgaria
Little Miss Glam – Suwapitcha Noisaeng | Thailand
Miss Pre-Teen Glam – Leslie Ann Victoriano | Philippines
Mister Teen Glam International – Kieffer Domingo | Philippines
Miss Teen Glam International – Dayarith Garcia | Venezuela an si.
About The Author
