Covid i chawnhnak a karh, North Okkalapa ah a bubu in zawtnak an hmuh

The Chinland Post | 2022 September 1 – Myanmar ram ah Covid zawtnak rungrul i chawnhnak atulio ah a karh chin tiah SAC thawngthanhnak in theih khawh a si.

August 31 tiang cazin ning ah mizaw thar 104 le August 30 ah zawtnak aa chawnhmi mizaw thar 87 an um tiah SAC kuttang ngandamnak zung nih a thanh.

Tuan deuh lio ah aa chawnhmi zat hi a sawm lawng in an um ko nain atulio ah a zaa leng in an hmuh ṭhan hna hi a si.

Yangon, North Okkalapa peng No. 16 Primary sianginn ah Covid zawtnak aa chawnhmi 15 a bubu in an hmuh hna tiah North Okkalapa thawngzamh phu nih an thanh.

Sianguk telh in sayamah pakhat le siahngakchia 15 sin in an hmuh tiah an thanh.

Myanmar ram ah Covid zawtnak aa chawnhmi sing 6 deng an rak um i Covid zawtnak ruangah a thimi 20,000 deng an um tiah a thanh.

Asinain hramhram in uknak lak a si hnuah cazin ṭha tein lak a har lai caah SAC nih thanhmi nak in a tam deuh kho tiah ruahdamh a si.

Na ruahning rak langhter ve.. (Leave a comment)

%d bloggers like this: