Cozah Nih Chinram Peng 4 Ah Khuakhat Ks. Sing 100 Cio Bawmhnak An Pek

Salai Biak Za Cung| 2018 February 6| Khuate Thanchonak Zung nih Chin ramkulh peng 4 ah khuakhat ks. sing 100 cio bawmhnak an pek tiah kan theih.

Hi kong he pehtlai in Chin ramkulh, Khuate Thanchonak zung in Director Myo Aung nih;

“Atu bantuk in khuate thanchonak le sifah zorternak caah khuakhat ks. sing 100 cio bawmhnak cu tukum ah Hakha, Thantlang, Falam le Tedim peng ah kan thawk. Hi bawmhnak cu anmah khuate lei tuanvo ngeitu hna he ceihruahnak ngeih dih hnu ah pek an si. Hi bawmhnak cu anmah khuami nih khua thanchonak caah a herhning in le anmah nih an sokmi rian hoih ning in an hman khawh ko. Atu bawmhnak tangka cu anmah le peng le khua cio kutcung ah tlamtlingte in kan pek dih cang hna”

“Kanmah bawmhmi lawng si lo in anmah khuami zong nih a herhning in an thazaang an chuah ve lai. Tahchunhnak ah tilaaknak le lamcawhnak a si ahcun khuami nih a herhning in anmah thazaang zong an chuah ve lai tinak khi a si. Hi bawmhnak cu hmaikum lei ah khua dang zong bawmhnak kan pek cio vet e hna lai. Atu bawmhmi pawl hi an riantuanning kan zohta hmasa rih hna lai i a herhning in hmailei ah bawmh than an si te lai” tiah a chimchap.

Tukum bawmhnak pekmi peng 4 hna cu; Thantlang peng khua 35, Tedim peng khua 5, Falam khua 1 le Hakha peng, khuakhat, a zapi khua 47 an si ti ah Chin Ramkulh Khuate Thanchonak zung in kan theih. +++

Leave a Commnet

%d bloggers like this: