Demoso Peng Ah A Um Mi Thaesulay, Pupha Sakhaan Lak Kahdohnak Ah SAC Ralkap 30 Leng An Thi, Hriam Phun 19 An Lak Khawh
The Chinland Post | 2023 September 4 — Karen ram, Demoso peng ah a um mi SAC ralkap Thaesulay, Pupha sakhaan 2 an lak lio kahdohnak ah SAC ralkap 30 leng an thi i hriam phun 19 le kuanzen pawl an lak khawh tiah KNDF nih phungning tein thawng a thanh.
September 2 zinglei sml 5:30am ah Karenni ram, Demoso peng chung ah a um mi Thaesulay le Pupha khuate hna ah hmunhma an khuarnak SAC ralkap sakhaan pawl cu Karenni hmunhma dothlennak phu pawl nih an kah hna i sakhaan an lak beh.
Kahdohnak hi zinglei sml 5:30am in aa thawk i 9:30am tiang a rau, cuka ah hmunhma a khuar mi SAC Sah-Kah-Khah 2 kuttang Infantry 9 in Second Battalion Commander Ye Lin Naing nih a kuttang ralkap pawl kha nunnak thap in sakhaan a khamter hna i a mah cu a zaam. Ralbawi hme pawl telh in 30 leng an thi, hliam a tuar mi an tam i kahdohnak lio ah lutaw hngal lo in a zaam len mi zong an um tiah theih a si.
Kahdohnak chung ah KA, DMO Local PDF, KNDF, KNPLF hna bawm in sakhaan an lak hi a si i hliam a tuar mi zong an um ve tiah theih a si.
Kahdohnak chung ah SAC ralkap pawl sin in meithal phun 13, 60MM zuun 2, RPG zuun 1, Machine Gun zuun 1 le adang kahdohnak thilri tampi an lak khawh tiah theih a si.
About The Author
