Falam ah SAC ralkap nih pum tlimtling lo nu pakhat an thahmi cungah ICNCC nih duh lonak a langhter
The Chinland Post | 2022 July 8 – Chin ramkulh, Falam peng ah SAC ralkap nih pum tlamtling lo nu pakhat an thahmi cungah ICNCC nih kan cohlang kho lo tiah cathanh a chuah.
June 30 ah Sagaing ramṭhen, Kalay in Chin ramkulh, Falam peng ah a rak lutmi SAC ralkap pawl nih Falam peng, Varung khuami Daw Tial Kap (kum 60), pum tlamtling lo cu an thah tiah peng rianṭuantu pawl nih an phuan tiah a langhter.
Atu bantuk in pum tlamtling lo nu pakhat thahmi telh in Chin ramkulh hmun tampi ah SAC ralkap pawl nih an buarmi sualnak pawl cu peng kip rianngeitu nih cazin an lak tiah ICNCC nih a chim.
Chin ramkulh chungah SAC ralkap nih sualnak ngei lo mipi cungah hramhram in thil a tuahmi pawl cu fak piin ka doh i atu bantuk thiltuahmi cungah aa tlakning in tawlrel a si lai tiah ICNCC nih a thanh.
About The Author
