Falam Khuami Nih Vice President Sinah Thil Phunli Hal An Timh
The Chinland Post| 2018 Sept 27| Ramkomh Vice President Pu Henry Van Thio cu tu thla dih lai September 29 hrawng ah Falam khua phan ding a si caah Falam khuami hna nih thil phunli hal an timh tiah kan theih.
1. Falam khua ah Computer College sak piak ding.
2. Webulah khua cu Kalay peng Nat-chaung khua leiin Maha-dat- a line mei pek ding.
3. Webulah khua ah Mei thahnak zung hunpiak ding.
4. Kalay-Webulah- Vaar tiang kat-ta-ya lam phah piak ding hna hi Falam khua mi hna nih an hal lai tiah theih a si.
“Hi thil phunli cu khuanu/pa lei in hal kan timh i a dang a tangmi cu cozah zung mah le Department cio in hal chih a si than te lai” tiah Falam khuanu/pa pakhat a si mi Pu Rul Zam nih a chim.
Falam khuanu/pa hna cu motor pali in Webulah khuapi peknak puai ah kal an i tim hna i Vice President le a rakzultu hna zong laksawng ah Lai thil an pek chih hna lai tiah theih a si.
Vice President Pu Henry Van Thio cu Falam khua a phak in Laiva dinti lak mi, Vaar hlei a thar tuah nak ding le Surbung tlang vanlawng bual zong a zoh pah hna lai tiah theih a si.
Ref: Chinland Herald