Falam Khua Pawng Ah Li Aa Hnin Than; Ni 7 Chungah Voi 4 Lihnihnak A Cang
TCP-Thantlang| 22 April 2020| April 22 zing suimilam 11:28 tluk ah Chin ram kulh Falam khua in nichuah lei khan (meng) 20 tluk aa hlatnak hmun ah 3.4 thazaang der deuh in Lihninhnak a chuak tiah khuati zohnak zung nih thawngthanhnak a tuah.
Atu bantuk in Falam khua pawngkam hrawngah khua ruah har in le Ni 7 chung ah peh tlai in voi 4 Lihninhnak can hi a si.
A voi khat nak bik a can hi April 16 zanlei suimilam 6:15 ah a si i 6.1 thazaang thawng ngai mi a si, cucaah thilri le inn a rawk mi tiang an um. A voi hninhnak April 17 zan suimilam 10:20 tluk ah a cang i 4.0 in thazaang a der deuh in a cang. A voi thumnak April 21 zanlei suimilam 5:58 ah a cang than 3.3 thazaang der deuh mi in a si than. Cun a voi linak cu April 22 zingsuimilam 11:28 ah a si i 3.4 thazaang der deuh ina can hi a si. Avoi 2nak in avoi 4nak tiang cang mi chungah thilri le a dangdang aa rawk mi an um le um lo theih a si rih lo.