Game le Sianginn phuah
Kan i tahchunmi hna minung khi an sining kan hngal taktak hna maw?
By Roro Fambawl
? Game aa celhmi mino cheukhat nih an chimmi cu “Game celh in a rummi an tampi ko.” ti a si. Nain game i celh ruangah chungkhar zeizat ah dah buainak, rawhnak, i tthennak le thihnak tiang a chuah? timi kan tuak ti lo. Cun “professional gamer” pawl khi zeitluk in dah dingrep (sikan) an ngeih le an ngandamnak a rawh lonak dingah tirawl ei siseh, i hngilh siseh an daithlan loning le exercise tuah zong an fel ning kan ruat ti lo. Kanmah cu zaan zongah i hngilh huaha lo, exercise zong tuah lo, rawl zong ttha tthi in ei lo hna in kan um i game celh minthang he kan i tahchun.
? Sianginn ngolnak zongah sisehlaw mi cheukhat nih kan chimmi cu; Mark Zuckerberg, Steve Jobs le Bill Gate te hna sianginn in an i phuak ko, nain vawlei cung mirum bik an si ko, ti hi a si ttheo. Nain anmah pawl fimthiamnak cu um rih seh, an kainak sianginn hrimhrim vawlei cung minthang, mi sawhsawh nih kai khawh lonak sianginn an si ti kan tuak ti lo. An i phuahmi zong thathut le lohlak ruang ah a si lo. An chunmang a ngan, an thilti khawhnak le thiamnak an i zoh tikah an i ngamh ve i an i phuah ngamnak a si. Kanmah cu kan umnak ram hmanh nih a min an hngalh lomi sianginn ah kan kai. Cu i minthang nawl i cawn ding hi cu ttih a nung ngai. (Sianginn lawng hlawhtlinnak lam ka tinak siloin kan i tahchunmi hna minung kong kha chim duhnak bia.)
? Mi cheukhat cu an ONLINE peng ko lai, game an i CELH peng ko lai, sianginn an i PHUAK ko lai. Asinain a chung tein zei an tuah timi kan hngal lo. Cucaah “blind” in anmah nawl i cawn in thil tuah ve khi ttih a nung ngaimi a si.
Theihternak: Catialtu hnatlak le lungtlin nakin zapi caah santlaihnak a um hnga maw timi ruahchannak he, The Chinland Post nih kan hun thlah chinmi a si. ~ Editor
About The Author
