Germany 2-1 Sweden; Group Stage In Phu 7 An Tla I Phu 6 An Kai Cang
City Hunter| 2018 June 24| June 24 deilei ah Germany le Sweden an chuih i Germany nih 2-1 in an tei hna. Minute 32 ah Sweden in Ola Toivonen nih a goal. Minute 48 ah Germany in Marco Reus nih a goal. Minute 82 ah Germany in hnukhamtu Jerome Boateng cu yellow card pahnih he red card in an chuah. Minute 90 a dih hnu ah additional extra time ah Germany in Toni Kroos nih a goal. June 23 zan an chuihmi tiang ah group state in phu 7 an tla cang i phu 6 an kai cang. Cu hna cu;
Group F ah Germany, South Korea, Mexico le Sweden an si. Group Stage chuih a dih rih lo nain South Korea cu an tlak ding a fiang cang. Cu bantuk in Group F in Mexico hi group stage in an kai ve cang.
June 27 zan ah Mexico le Sweden an chuih rih lai. Mexico nih an tei hna a si ahcun Sweden hi group stage in an tla kho cang. Cu bantuk in June 27 zan ah Germany le South Korea an chuih rih lai. Germany nih an tei hna ahcun Group F in Mexico le Germany an kai te lai.
June 24 deilei an chuihmi tiang ah group state in a tla ding aa fiang cangmi phu 7 an si cang. Cu bantuk in Group stage in a kai ding aa fiang cangmi hi phu 6 an si ve cang.
Group Stage In A Tla ding aa fiang cangmi phu 7 cu;
Group A in Egypt le Saudi Arabia,
Group B in Morocco
Group C in Peru
Group E in Costa Rica
Group F in South Korea
Group G in Tunisia an si.
Group In A Kai Ding Aa Fiang Ciami phu 6 cu;
Group A in Russia le Uruguay
Group C in France
Group D in Croatia
Group F in Mexico
Group G in Belgium an si.
Goal Tambik Suttu
Atu tiang ah goal tam bik suttu hna cu; Belgium in Romelu Lukaku- goal 4 le Portugal in Cristiano Ronaldo- goal 4 an si. A changtu ah Spain in Diego Costa- goal 3 le Russia in Denis Cheryshev- goal 3 veve an si.
About The Author
