Group A In Egypt Le Saudi Arabia An Tla I Russia Le Uruguay An Kai Cang
City Hunter| 2018 June 20| June 20 deilei suimilam 12:30 ah Russia nih Egypt cu 3-1 in an tei hna. Cun, June 20 zan suimilam 9:30 ah Uruguay nih Saudi Arabia cu 1-0 in an tei ve hna. Minute 23 ah Uruguay hmaikal Luis Suarez nih goal 1 a sut. Egypt le Saudi Arabia hi puaithum chuih dingmi ah puai hnih veve an sung cang.
Tukum 2018 World Cup group chuih ah Egypt le Saudi Arabia hi June 25 zan ah anmah pahnih an chuihte lai. Aho an sungh i an i tei zong ah an tla veve cang. Cu ruang ah group A in Russia le Uruguay cu sungh/tlak a simi round of 16 chuih ding ah an kai cang. June 25 zan ah anmah pahnih an chuih lai i teinak a hmutu paoh kha group A in pakhatnak an si lai i a sunghmi paoh kha group A in pahnihnak a si ve lai.
Tukum World Cup ah group A ah aa telmi phuli cu; Russia, Uruguay, Saudi Arabia le Egypt an si. A puaikhatnak ah Saudi Arabia cu Russia nih 5-0 in an tei hna. Cun, Uruguay nih 1-0 in an tei than hna. Uruguay hi goal 2 an ngei cang i Russia hi goal 8 an ngei cang. Russia lei in goal tambik suttu cu Denis Cheryshev –goal 3 le Artem Dzyuba- goal 2 an si.
Tukum World Cup ah group B in phuli cu; Portugal, Iran, Spain le Morocco an si. Morocco hi puaikhat chuih ding an ngei rih nain an awn zong ah an sungh zong ah an i tluk zong ah group in an tla cang. Cu bantuk in tuzan deilei ah Spain le Iran an chuih lai i Spain hi an sungh ve sual a si ahcun group in an tla kho ve.
Group B in Portugal hi goal 4 an ngei cang i a goal 4 ningte in C. Ronaldo nih a sut. Atu tiang an chuihmi ah goal tambik suttu cu C. Ronaldo a si rih. Spain hi goal 3 an ngei ve cang i goal 2 hi D. Costa nih a sut. Spain hi 2010 kum World Cup champion cotu an rak si.
Group B in Portugal le Spain hi an rak i tong cang i 3-3 in an i tluk. Tuzan ah Portugal nih Morocco cu 1-0 in an tei hna caah mark 4 an hmu cang. Tuzan suimilam 12:30 ah Spain cu Mark 3 a hmu cangmi Iran he an chuih lai i an awn ahcun mark 4 an hmu lai i Portugal he an i tluk lai. Spain an sungh ahcun group in an tla lai i Iran hi group in an kai cang lai. Group B in Spain le Portugal an kai lai tiah pumpululh zohtu le thapetu hna nih an zumh cio hna.
About The Author
