Hakha Ah Fak Ngai In Rial A Tla I Rungtlang A Cimhnak Zong Rial Aa Dil (hmanthlak thawngpang)

City Hunter| 2018 April 3| April 3, suimilam 11:00am tluk ah faruah thawh – ruah a sur i fak ngai in rial a tla. Ruahpi a han i ni a tlan hnu zong ah Rungtlang a cimhnak hmun i rial a tlami cu aa dil theu rih. Hakha ah rial a tlami hmanthlak pawl hika ah zoh khawh an si.

Tutan rial a tlami hi 2018 kum ah a hmasa bik rial a tlak a si. Hlan pipu le upa cheukhat nih atu bantuk ruah a surmi hi faruah thawh a si an ti. Kawl Buddhist biaknak a biami nih cun ti toih (tacian) ruah a si a timi an um ve.

Rungtlang a cimhnak hmun ah rial aa dilmi

Rial a tlak chung hi ruah fak tuk le sau tuk a sur lo. Minute 15 chung hrawng ruah a sur i rial a tla. Chikkhatte ruah a dai i rial tlak zong a dai ve. Cu cangka cun ni a tlang. Rial a tlami cu an ti thliahmah. Kadang hmundang i rial a tlami an tit hnu zong ah Rungtlang a cimhnak hmun i rial a tlami cu a ti kho colh lai. Rang sialmal in aa dil ko rih. Fak khun le ngan khun in tla sehlaw a dawh.

Hakha lampi cung motor dirtermi cung zong ah rial a tlami tete an i dil.

Atu suimilam 12:20 in ruah cu a siamsiamte in a sur thliahmah than, Hakha cu…

Na ruahning rak langhter ve.. (Leave a comment)

%d bloggers like this: