Hakha Khua Nihnih Chung Kahdohnak Ah Ralkap 7 Nak Tlawm Lo An Thi
The Chinland Post | 2023 November 28 — Chin ramkulh Hakha khuachung ah CDF-Hakha nih chaklei unau hawikom phu a si mi MNDAA, TNLA le AA hna nih an thawk mi Operation 1027 thapeknak caah ti in kahdohnak an tuah i cu chung ah ralkap 7 nak tlawm lo an thi, 8 hrawng an i hliam tiah thawng theih a si.
November 26-27 ah, CDF-Hakha nih Chin ramkulh, Hakha khuachung ah chaklei unau hawikom phu nih an thawk mi Operation 1027 tha kan pek ko ti langhternak ca ah ni 2 chung kahdohnak an tuah hi a si i cu chung ah ralkap lei 7 nak tlawm lo an thi, 8 an i hliam tiah CDF-Hakha nih thawng an thanh.
Cun atu bantuk in kahdohnak pehzulh in ṭhawnter a si lai caah mipi hna nih umkal i ralrin ding tiah ralrinnak zong an thanh chih.
About The Author
