Hakha-Thantlang karlak kahdohnak ah SAC ralkap 10 an thi, a hliam mi an tam
The Chinland Post | 2022 August 1 – Chin ramkulh, Hakha-Thantlang karlak ah July 30 in kahdohnak a chuak i SAC ralkap 10 hrawng an thi, hliam a tuarmi zong an um tiah theih a si.
July 30 zinglei ah Hakha-Thantlang karlak Timit tiva kalnak lei ramlak ah CDF le SAC ralkap karlak ah kahdohnak a chuah hi a si.
SAC ralkap pawl cu Timit lam, Rual-U thlaan lei in Timit tiva lei ah an kal lioah CDF nih an kah hna. Chun sml 2:00pm hrawngah SAC ralkap pawl an kir ṭhan tiah theih a si.
July 30 kahdohnak ah SAC LIB 266 nih hriamngan in kah a bawmh lengmang hna i July 31 zaanlei tiang Hakha khua ah hriamngan thawng a thang pah lengmang.
SAC ralkap pawl nih July 31 zinglei in Hakha khua lam tonnak/lam ṭhennak kip ah hmunhma an la i zaanlei sang ah ralkap cheukhat Hakha thar lei ah an kal kha hmuh khawh a si.
Hmanthlak – Hakha khua chungah a rak i chawkmi SAC ralkap mawṭaw pawl ( hmanthlak hlun)
About The Author
