Hakha, Thantlang, Mindat le Kanpetlet ah Tanghra Phiding An Um Lo
The Chinland Post | 2022 March 17 — Ralkap nih March 31-April 9 tiang tuah ding in timhtuahmi Tanghra camipuai (exam) ah Chin ramkulh khualipi Hakha telh in Thantlang, Mindat le Kanpetlet peng ah ahohmanh nih min cazin an pe lo, (exam a tuah) a phi ding an um lo tiah RFA Burmese nih a thanh.
Caan that lio ahcun, 10,000 leng hi Chin ramkulh in tanghra an phit tawn. Asinain, tutan cu 2950 tluk lawng nih min cazin an pek tiah theih a si.
Chin ramkulh pengkulh 9 chung ah, dohthlennak a thawnnak hmunhma a simi Hakha, Thantlang, Mindat le Kanpetlet ahcun hohmanh min cazin an pe lo nain, Falam in 309, Tonzang in 229, Cikha in 208, Tedim in 286, Matupi in 107 le Paletwa in 1811 tluk nih min cazin an pek tiah theih a si.
2019-2022 cacawn kum ah, Chin ramkulh ah minung 14000 tluk nih tanghra camipuai (exam) an rak phit i, zatuak 20% tluk lawng nih awnnak an hmuh tiah theih a si.
Kum dang ah a exam a tuah mi hi, 900,000 tluk an si tawn. Nain, tukum Ralkap nih tuahmi tanghra camipuai (exam) ah sing 3 (300,000) tluk lawng an phi lai tiah theih a si.#
Pehtlai thawngpang: Kawlram Tanghra a phi dingmi 312,299 ah, Chin Ramkulh in 2,958 lawng an si
About The Author
