Hakha Nu Malaysia In Yangon A Tlungmi Pakhat COVID-19 Zawtnak Lunghrinh In Siizung Ah An Chiah

TCP-Thantlang|2020 March 6|Hakha khua mi, Malaysia Kuala Lumpur in Kawlram a rak tlung mi nu pakhat (kum 30) tluk cu Yangon International Airport, March 6 zinglei suimilam 10:15 ah a phan i a tulio zawtnak COVID-19 he lunghrinh a si caah Way-ba-ki siizung ah an chiah tiah ngandamnak zung nih thawngthanhnak a tuah.

Hi nu cu Yangon vanlawng bual ah zawtnak kongkau chekhlatnak a tuah tu hna nih a zawtnak an hmuhchuah ning cu; a tak linh tuk ruang, cumpit tlangrai phun in a um ruang le a tha ba le tha dih nawn in a um caah a tulio zawtnak he aa pehtlai tiin le lunghrinh in siizung dang teah an chiah hi a si.

Mah nu a zawtnak dikthlir kongkau cu checkfelnak an tuah lio zong a si. A si nain a tu tiangah a thawchuah ning cang a hartuk lo tiah theih a si. (Ref:Ministry of Health and Sports Myanmar)