Hakha Vawlei Hmun Kong Ah Pu Hrang Kep Hraam Thawng
Salai Elvis| 2019 January 27| Chin ramkulh cozah nih tawlrelmi Hakha khuachung sersiamnak le inn hmun cawhmi kongah Pu Hrang Kep nih a lungfahnak a chimmi hraam thawng cu a tanglei bantuk in an si.
Pu Hrang Kep: Pupa ram ngeimi pakhat zong ka si pin ah Hakha kek zong ka si. Ka vawlei hi a tu lio hmunchunh mi chung ah aa tel. Hmun khat ah Pungsan (7) zong ka ngei, hmunkhat thiam ah pungsan (1) zong a ngeimi ka si. Pungsan (7) ka soknak zong kum 3 a si cang., A ruang cu zunglei nih kan thlau an ti an ka tuahter than lengmang. Hi bantuk in cozah lei nih lothlo mi hna sin ah an chambaunak cu Lothlo mi hna kan harnak hi theihpiak in a kan bawmhchanh awk a si. Cozah lei nih lothlo mi le hmunhma ngei mi hna theihternak tuah hmasa lo an mah nawl in rian an tuan, lei kung ah hin kan um peng, hmun an cawh zongah facang kan tuan lio a si. Na 20, Caw 40 kan zua chih. Tichuahnak caah kan humhak mi, thilnung kan cin mi le dum kulh cu an hrawh dih. Cupin ah ka pa cu an rak hrocer, thong hmanh kan in thlak khawh an rak ti. Nan vawlei chungah hmun khat hnih lawng nan ngah lai tiah an kan ti i kan lungfak tuk caah kan chungte in duh lonak lam ka rakzawh ve.
Pathian dawtnak in Mirang uknak chan lio in kan pupa hna nih hmunhma an rak ngei cang, a tu lio kan cozah nih Chin ramchung ah pupa ram zong a um lo, an rak ti i 2018 kum vawlei hmunhma kongkau upadi hnu lawngin a um an theih than. Vawlei hmunhma ngeih khawhnak (gram) zong vuanci pakhat nawlpeknak in a phihter hna ti ka theih, cunglei nih phungning in kan phih chung timi ca an chuah ka hmuh rih lo. Cucaah kum hinhthum chung cu (me-gram) an pek ka thei rih hna lo. Cu ruangah mizapi harnak kan tong.
Pu Hrang Kep nih Dawrthar khuabawi kum saupi a rak tuan balmi a si.
A cunglei langhter mi hna cu January 25 ni duhlonak lam zawh dih hnu ah vawlei hmun chuh a tongmi hna nih Media sinah chimphuannak an tuahmi a si. (The Chinland Post fb live thlahmi ah zoh le ngaih than khawh an si)
About The Author
