HBA Mino Combine Pumh Ah Chief Minister Telh In Hlasak Thiam Minthang Tampi An Sawm Hna

Salai CungCung|2019 May 14| HBA Youth Department hruainak in HBA mino Combine pumh cu May 19 zarhpi zan Zion khirhfabu ah an tuah lai. Hi pumhnak ah Chin ramkulh Chief minister Pu Salai Lian Luai telh in Chinmi hlasa minthang tampi an sawm hna tiah kan theih.

“Tu bantuk HBA mino Combine pumh cu kumkhat voithum tuah ding kan ti i tu hi avoi khatnak a si lai. Praise and worship hi international level in kan tuah lai. Hlasak thiam minthang zong kan sawm hna, cun Chin ramkulh Chief minister zong special talk chim ding in kan sawm. Hi kan tuah hnawhchanbik a ruang cu mino nih Pathian dawtnak kan theih deuhnak ding le pakhat le pakhat kan i hawikomh khawhnak ding caah timhtuahmi a si” tiah HBA Youth Department Secretary Pastor Van Tling Thang nih TCP ah a chim.

Hi pumhnak ah Pathian biachimtu ding cu HBA G.S Rev. Joel Nawl Cung Lian, special talk chim ding ah Chim ramkulh Chief Minister Salai Lian Luai, hlasatu ding pawl cu, Emily Ngun Hlei Sung (USA), Honey Khuaitizu (USA), Jenny Ngun Hlei Par (USA), Jenevy Sui (Yangon), Esther Dawt Chin Sung, Paling le Choir saktu ding ah HBA mino an si lai tiah kan theih.

HBA combine pumh cu kumkhat ah voi 3 tuah ding a si i avoi khatnak cu Zion Baptist Church, avoi 2nak cu Bethel Baptist Church, avoi 3nak Carson Baptist Church ah a si lai tiah kan theih.

Leave a Commnet

%d bloggers like this: