Hpankant Ah SAC Ralkap Sakhan 3 KIA Nih An Lak
The Chinlandpost | November 9, 2023 —Kachin ram, Hpankan peng Sezing lei um SAC ralkap sakhan 3 cu KIA nih an lak.
November 7 ah KIA le SAC ralkap kahnak a um. November 9 zinglei ah KIA ralkap nih SAC sakhan an lak khawh.
SAC ralkap le Shanni Nationalities Army-SNA tangṭi pawl a thi mi an tam. Hpakan peng ah KIA battalion no. 26 nih Sezing khualei um SAC sakhan pathum cu an kah hi a si. Sakhan laknak ah Tanyawsin sakhan tlang tiah mikip nih theih mi minthang sakhan pakhat le adang sakhan 2 cu theih a si rih lo.
Nihin Kachin ram ah kaphnih kahdohnak a um lio a si i Sezing he ramri a tlaihnak Hommalin lei zong ah kahdohnak a chuah. Kachin-Sagaing ramri a si mi Bamouk, Htigyaing, Inntaw peng lei ah mipi ralkap nih SAC sakhan an kah lio a si tiah Mizzima news nih a ṭial.
About The Author
