ICC Tlaih Nih Ding Nawl An Chuah Mi Russia President Putin Cu India Ram G 20 Meeting Aa Kai Ngam Lo
Salai Mangpau | August 29, 2023 — India ram, New Delhi ah vawlei cung ram G 20 meeting ah Foreign Minister nih Russia ram aiawh in meeting a kai lai tiah Russia President Vladimir Putin nih India Prime Minister Narendra Modi cu phone in a chawh tiah theih a si.
A ra lai mi thla New Delhli khuapi ah vawlei cung G 20 meeting ah Brazil, Russia, India le China ramkomh dirh mi BRICS bu tharchuahding in India le Russia ram hruaitu pahnih nih phone in biaruahnak an ngei.
Kan hnu zarh chung ah South Africa ram BRICS meeting ah Modi le Pu Tin an i tel kho. Ukraine ram tuk ruang ah ICC biaceihnak zung nih Russia ram hruaitu Putin cu tlaih ding in wanted an chuah caah Online in meeting a rak kai hi a si. Atu India ram C 20 meeting zong amah pumpak a kai lo hi ICC wanted ruang ah a si tiah an zumh.
2022, February thla ah Ukraine a tuk hnu in nitlak lei ram hna nih phihkhar dantatnak an tuah mi Russia ram cu an ram chuak zinan a caw bik tu India ram he pehtlainak tha tuah ai zuam.
Nihin G 20 ramkomh ah a tel mi hna cu- (Argentina, Australia, Brazil, Canada, China, France, Germany, India, Indonesia, Italy, Japan, Republic of Korea, Mexico, Russia, Saudi Arabia, South Africa, Türkiye, United Kingdom and United States) le European Union hna an si.
Ref; Ayeyarwaddy times
About The Author
