Thailand Ram Prime Minister Hlun Thanksin Konglam
Salai Mangpau | 2023 August 23 — Thaksin (Thailand ram Prime Minister hlun) a si mi cu biaceihnak ing ding in August 22 zinglei ah Singapore ram in Thailand ram a phanh le cang ka in kum 8 thong thlak a si lai nak kong Biaceih zung nih thanhca an chuah.
Prime minister a tuan lio ah Thai tangka Baht 4 billion cu Myanmar ram Ralkap cozah he sipuazi tuanṭi ding ah tangka a cawih hna ruang ah thong kum 3, 2003 le 2006 kum Thailand ram Hti 2-3(၂ လုံးထီနဲ့ ၃ လုံးထီ) cu phungning lo in a tuah ti in thong kum 2, a mah ngeih Sin Cooperation nih cozah ta a si mi Telecom 2 mobile phone riantuannak cu amah le a innchungkhar caah a tuan tiah thong kum 5 tiin a dihlak thong kum 8 degree an rak pek hnu ah ramdang ah a zaam.
Thailand ah Ralkap nih uknak an lak hi 2006 September 19 ah a si. Kum 2 hnu 2008 kum in ramleng ah a zaam. Kum 15 chung ramleng ah a rak i thup mi Prime Minister hlun Thaksin cu Thailand ram a phak le caang ka in biaceih zung ah sualnak a rak tuah mi biaceihnak a ing colh ve.
Thaksin cu pumpak vanlawng in Don Mueang Airport ah a fa le 3 he hmuh an si i Thailand ram siangpahrang hmanthlak zong upat peknak a tuah.
Thaksin konglam Tawi Thaksinomic
Thailand ah Thaksin (Bangkok post nih Thaksinomic tiah a min phuah in a tial, nih kum 2001-2005 tiang a ṭuan mi a lak in a tial.
Thaksin’s Debt Relief for Poor Farmers and SMEs Loans
Thaksin nih Thailand cozah a van kai bak in lothlo pawl leiba kum 4 luatnak a pek hna i cozah bank nih khuate um mi lothlo pawl le SME (small & medium sized enterprises) sin ah a karh a tlawm mi tangka cawinak a tuah. Start-ups SME pawl zong sehzung hmun le chawlehnak zung hmun hna a bawmh pin ah kum 3 ngunkhuai a zaangfah fawn hna.
Thalsin’s Subsidiary for Fuel and Electricity
Cun Thaksinomic a tuah mi a biapi mi pakhat cu zinan le electric man pawl a kai lo nak ding ah cozah nih tangka lei in bawmhnak (subsidize) a tuah khawh. Hi ruang ah hin zinan man a kai ruang ah adang thil man a kai dih ding mi harnak kha mipi nih an tem manh lo.
Export Oriented Economy
Ramchung chawleh chawzuarnak cu remhnak a tuah bantuk in ramlei a chuak mi thil zong a phun (quality) a that ter I a man zong a kai ter ve.
Thaksin’s Legendary 30 Baht Medical Care
Thaksin nih tuanbia dawh a tial mi karhlannak pakhat cu ram pumpi Bath 30 in sii thlopbul khawh nak a tuah. Thai mirum/sang pawl sin ahcun bia alnak a um pah ko nain tanka luhnak (income) a tlawm mi rammi tampi hrang ahcun thatnak a chuah pi. Thaksin nih a thawk mi ngamdamnak zohkhenhnak hi mit hlainak le nau hrinnak zong aa tel chih caah lothlo pawl le sifak mi hrang ah Baht 30 in i thop khawh nak cu Thailang ram ah a phan.
Thaksin’s OTOP (The One Tambon One Product)
Khua khat ah thil chuah mi pakhat (OTOP) ti mi Thaksinomic nih a fa mi le a laiva chawlehnak ah tampi hlawknak a hmuh. Hi OTOP ti mi cu Thailand ram khuate 7,255 ah an tuah i kum 2017 ahcun OTOP in Baht Million 153 Million an hmuh.
Thaksin’s Infrastructure Development
Thaksinomic ah hin USD Billion 50 man a si mi mipi nih herh mi thil hrampi (Public Infrastructure) a si mi tuah ding zong aa tel chih. Kum 10 a ruah hnu ahcun Bangkok le Chiang Mai khuapi hna ah khuapi a hrial mi lampi, a tha deuh mi khuachung lam le thilri phurhnak, vancung tlanglawng le vawlei tang tlanglawng le International Airport pakhat a rak chuak.
Ramchung Fimthiam nih an Theih Deuh (Local Experts Knows Better)
Thaksinomic a rian kum 5 chung a kal khawh taktak nak din gah ramchung mifim pawl he rian an tuan ti hna. Hi hlan 1997 lio “The Tom Yum Kung Crisis” tiah auh mi Asia chawleh tawlrelnak a rak tlak tuk ruang ah faktuk in a tuar mi Thailang ram a van i tunmer khawh nak ding ah chawlehnak tha pakhat a si tiah Thai Kasetsart University Professor pakhat nih a chim.
Thaksin, amah rengreng hi chawlet tu pakhat a si caah Thailand mipi i pumpak pakhat cio an hmuhmi tangka nih hin Thailand ram chawlehnak harnak in a kan dirhkamh than lai ti hi a fiang ti khawh a si. Khualtawnnak rian pawl rianrang in a hung kai than. Cuhnu ah mi simifak pawl hrang ah a ṭhahnemmi pawl a hung chuak.
Thaksin a rianṭuan ning hi kehleh ah a kal tuk tiah hi sining a duh lo mi mirum pawl tampi an um. Cu hna pawl nih cun anmah hrang ah hlawknak tampi a um lo caah Thaksin cu an rak duh lo. Asinain mi tam deuh nih cun mirum pawl an ngeih mi tangka le sining kha mipi sin ah tampi a phawtzamh hna. Cun phawtzamh a duh mi kalning a si ti in le Thailand ram i chawlehnak a tungmertu pakhat dirhmun in thangthat a tong. Hi ruang ah Thailand ram hi tampi atu ah a hung thangcho i mipi nih tampi hlawknak an hmu.
Ref,Thai PBS/Bangkok Post/TLT/ BBC Burmese/ https://www.vanlianceu.com/2019/09/thaksin-le-suu-kyi-uknak-tahchunhnak.html
About The Author
