India Covid hrik Khamnak Sii An Sernak Sehzung Sak lio Mi A Kang_Minung(5) An Thi

KuKu | TCP-Hakha |2021 January 22 | Covid hrik khamnak sii an chuah nak vawlei cung ah angan bik mi India Sii Company Serum Institute an sak lio mi inn a kang i a tlawm bik minung panga tluk an thi tiah tuanvo ngeitu nih an chim.

India tlanglei Maharashtra State, Pune khuapi ah sii Company pakhat a kang i siichuah nak ah rawhralnak a um loh tiah Company nih an langhter. Mei an hmih dih hnu ah miruak panga an hmuh hna i inn satu pawl an si kho tiah Minister Murilidhar Mohol nih a chim. Zeiruang set ah dah in a kangh timi kan thei kho rih lo tiah tuanvo ngeitu nih an chim.

“Hi innkanghnak ah covid khamnak sii kan sernak rawhralnak a um lo” tiah company tuanvo ngei Adar Poonwala nih a chim.

Vawleicung ah angan bik mi sii an ser nak hmun Serum Institute cu Astrazeneca\Oxford Covid i runennak sii Million 1000 serchuah ding in minthut nak an ngei. Hi company nih hin Covid i runven Milion 1,500 in 2,500 tiang kum fatin serchuah ding in kan i ruahchan tiah Adar Poonwala nih kan hnu thla ah khan a chim.

Company nih Covid I runvennak sii hi 12 Billion leng chuah ding in kan i ruahchan i 9 Bilion cu ram rum ram thangcho pawl nih an cawk cang. Hi nak tam zong kan i cawk rih hna lai tiah an kan chim cang mi lawng te an si tiah a chim. Serum Insititute nih an chuah mi covid-19 hrik i runvennak sii tam deuh cu a thangcho lio mi ram nih an hman nak lam um deuh. A thangcho cuahmah mi ram lak pakhat asi mi Myanmar zong nih India in covid I runvennak si a cawk ve. Ref: One News Myanmar