India Ram Suimilam 13 Chung Lawng Ah Tek Voi 36000 Renglo A Tla I Minung 9 An Thi

City Hunter| 2018 April 27| India ram, ramkulh pakhat chung lawng in suimilam 13 chung ah tek voi 36,000 renglo a tla. April 24 ni, suimilam 13 chung ah nikhua a chia i atu le atu ti awk in tek a tla. Hi lio caan India thlanglei ramkulh ah tek a tlami zapi hi voi 36,749 tiang a phan tiah theih a si. 

Nikum zong ah tek voi tamtuk a rak tla nain tukum a tlami cu a zualhma tuk, voidang kelnak tamdeuh a tla. Cuti nikhat chung tek a tlami nih ngakchia nu kum 9 telh in minung 9 tek nih a tlak hna i an thi.

India ah June thla in September thla tiang tek a tla lengmang. Atu cu tek tlak khuacaan zong a si tuk rih lo nain fak tuk in a tlak caah khuacaan lei riantuantu nih ralrin peknak an tuah.

India rampi huap in 2015 kum thawk in tek a tlami ruang ah kumfatin minung 2000 renglo lengmang an thi tiah khuacaan zohthiam lei thiamsang record tuahmi ning in theih a si.
Ref: BBC

Na ruahning rak langhter ve.. (Leave a comment)

%d bloggers like this: