Indonesia Lihnin Ruangah Zawtnak Tihnung A Chuak Kho
TCP-Thantlang| 2018 Tho 28| Indonesia ram chung thenkhat ah Lihnin le Tsunami tilet ruangah ruahpi pehtlai in a sur peng caah tlangrai, chungtlik zawtnak le a dangdang zawtnak a chuah khawh caah tuanvo ngeitu hna nih a hlankan in ralrinnak an pek hna.
Lihnin a fah biknak Palu khua ah hin thilri a rawkral mi tang ah mi thi ruak 5000 leng hmuh chuah a si caah cu rimrua in zawtnak rungrul a chuak kho tiin Helicopter cung in rungrul thahnak sii pawl an thlak hna. Cucaah thopaw, rungrul le zuu tibantuk in zawtnak i chawnh khawh a fawi caah ahlankan in i runvennak an tuah hi a si.
September 28 ni ah a chuakmi Indonesia Lihninnak cu 7.5 tluk fak aa hnih pin ah cu he pehpar in Tsunami tilet a tho than i minung 2000 tluk an thi, minung sing 2 tluk (200,000) nih an umnak hmun an chuahtak tiah theih a si.
Ref: VOA