ISP-Myanmar le UNICEF nih a langhter mi bomrap le kahdohnak ruang ah temhinnak a tuar mi hna cazin
The Chinland Post | 2022 December 30 – Myanmar ram ah hramhram in uknak lak a si hnu ah a chuak mi hriamtlaih buainak chung in bomrap ruang ah hliam a tuar mi le a nunnak a liam mi a za in an um cang tiah UNICEF nih a rak thanh.
Hramhram in uknak lak a rak si hnu ah a chuak mi hriamtlaih buainak ruang ah innlo a zaamtak mi 600,000 leng an um tiah 2022 May thla ah UNICEF a rak langhter. Sihmanhsehlaw 2022 kum dongh lei ah langhter mi cazin zeihmanh hmuh khawh a si lo.
Cun, Chin ramkulh chung lawng ah kahdohnak voi 592 a chuak i SAC ralkap nih mipi inn 1,489 nak tlawm lo an khangh tiah ISP-Myanmar nih 2022 Dec 26 ah a langhter ve.
Chin ramkulh chung ah innlo a zaamtak mi ramchung ralzaam 99,550 nak tlawm lo an um i Hakha peng chung lawng ah ralzaam 35,000 nak tlawm lo an um tiah a langhter.
About The Author
