Kanbalu Ah Innkhat Pakhat Pyusawhti Luh Ding In Tlang An Au
The Chinlandpost | October 5, 2023 —
Kantbalu peng ah Innkhat pakhat Pyusawhti ralkap luh ding in October 3 zaan suimilam 7:30pm ah Loudspeaker in tlang an au tiah theih a si.
Inncinsuh khuami hna cu innchungkhar ah pa an um lo zong nu ralkap traning kai ding le chungkhar cazin chung a um nain khuallam a um mi minung paoh cu pyusawhti an lut lai tiah tualchung pyusawhti hruaitu pakhat nih Loudspeaker hmang in tlangaunak a tuah tiah khuami Ko Min Tu nih The 74 Media ah a chim.
“Khua a um lo mi an um ahcun nithum chung ah khua phanh ter ding, chungkhar pa a um lo mi nih nu a um mi hna zong pyusawthi luh ter ding tiah an chim caah kanmah bantuk in pa a um mi chungkhar pawl an kan tihnawh mi a si ko, kan luh duh lo ahcun tangka pek a hau, a hlan ahcun tangka sing 10 pek a rak si” tiah a chim chap.
Kanbalu peng le Kyunhla peng ah, 2022 ah Aungchaintha kahdohnak ah SAC ralkap 60 leng an rak thah hnu ah peng chung um ralkap thazang an ngeih ti lo ruang ah khuachung ummi hriam hmanthiamnak training pek in meithal an tlaihter hna tiah Kantbalu peng mipi ralkap upa nih a chim.
Kyunhla le Kanbalu peng ah SAC ralkap 100 hrawng a um mi cu hriamngan tlai mi le ngatlaihnak cimseh keng ralkap an tam. Pyusawhti thazang deuh in ral an do caah pyusawhti hramfek ding in SAC lei nih meithal an pek hna hi a si.
Kanbalu peng hrambunh SAC tank ralkap battalion 6006 ah khuachung mi 50 hrawng cu ralkap training an pek cuahmah lio a si tiah theih a si.
About The Author
