Karenni Dothlennak Phufonh Nih SAC Mesalaung Sakhaan An Lak
![](https://i0.wp.com/thechinlandpost.info/wp-content/uploads/2024/06/KNDF-nih-Mesalaung-sakhaan-an-lak-mi_2023_Jun_20.jpg?fit=640%2C360&ssl=1)
The Chinland Post | 2024 June 26 — Karenni ram, Bawlakhe peng, Nanphe khua ah a um mi SAC ralkap Mesalaung sakhaan cu Karenni dothlennak phu pawl nih an lak khawh tiah KNDF lei People’s Spring ah an chim.
June 19 in kah hram an thawk i ni 7 a rauh hnu June 25 ah tlamtling tein an lak khawh tiah theih a si.
Asainain kahdohnak chung a thi mi dirhmun le hriam lak khawh mi bal KNDF lei nih thawng an thanh rih lo.
Mesalaung sakhaan ah Shan ram hrambunh MOC 2 kuttang battalion pawl le Bawlakhe hrambunh SAC ralkap battalion pawl nih hmunhma an khuar tiah theih a si.
Mesalaung sakhaan cu 2023 January thla ah KNDF phufonh nih a voikhatnak an rak lak khawh cang i SAC ralkap nih thazang tampi in an rak luh hnawh hna caah KNDF lei hnu an rak kir ṭhan.
Hmanthlak – 2023 June 20 ah Mesalaung sakhaan an rak lak lio ah hriam an lak khawh mi pawl