Kawl Ralkap Chimmi Le Reuters News Nih A Chimmi Zeidah Aa Dannak?

TCP-Online| 2018 February 10|ย Reuters Reporter Ko Wah Lon le Ko Kyaw Oo Soe Kawl ralkap nih an tlaihmi hi Rakhine ramkulh Indin khua Rohinya minung 10 thahnak kongah a si tiah Reuters news nih Feature in a tial.

Cuti an tialmi chung ah Rohinya minung 10 cu 2017 September 1 zan khan an tlaih hna i a thaizing ah khuami minung 2 le Kawl ralkap nih an thah dih hna tiah a tial.

Hiti Rohinya minung 10 thahnak kongah Kawl ralkap lei nih fianternak an tuah ve ko nain Reuters News nih a tialning he cun aa dang ngai.

  1. Kawl ralkap nih fianternak a tuahmi ah: Rohinya minung 10 thahmi hna cu kanmah ralkap pawl a kan dohtu simi minung 200 chungah aa telmi hna an si. Cu lawng zong si loin hi minung 10 kan tlaih lio hna ah hin Indin khua cu raltuknak a tam tuk tikah palek sakhan kuat ding zong a si khawh lo caah kan thahmi hna an si tiah Kawl ralkap nih cun an chim. Nain, Reuters News nih Rakhine khuami hna biahalnak an tuah tikah, hi lio caan ah hin khuachung ah ralkap le khuami hna karah dohnak zeihmanh a um lo tiah an chim.
  2. Rohinya minung 10 tlaihmi hna cu thah ding in cunglei nih bia pek kan si tiah ralkap lei in minung 3 nih Reuters News ah an chim.
  3. Rohinya pawl umnak inn vialte mei in duah ding in Indin khua pawng um Kawlmi hna cu ralkap lei nih an fial hna tiah Indin khua pawng um minung 12 tluk nih Reuters News ah an chim.
  4. Indin khua kong cithlat ding in a hruaitu hna hi ralkap lei khah-mah-yah- 33 le No.8 um ralkap pawl an si tiah ralkap lei minung pa 3 nih Reuters News ah an chim.
  5. Cu pinah Rohinya nih ngeihmi thilri: Caw, Motorcycle pawl zong ralkap nih an chuh hna.
  6. Ramkomh ruahnakpetu zung in Director U Zaw Htay nih, Rakhine ramkulh ah nuhrin covo a buar lo ti kan chim mi a si lo. Mah hihi a fekmi Evidence tha ten kan ngeih khawh nakding tu ah kan cithlat lai kan timi a si tiah Reuters News ah a chim.

Ref;BBC

Na ruahning rak langhter ve.. (Leave a comment)

%d bloggers like this: