Myanmar-India Ibawmh In Thah Timi Nanphalung Bazar Mei Kang

TCP-Online| 2018 February 10|  Myanmar-India ramri pehtlainak caah hman ngaimi Nanphalung Bazar cu February 8 ni zinglei ah a kang i Kawlram-India ram mi hna ibawm in cu mei kang cu an thah khawh.

Hiti mei a kangh hin Kawlram lei Tamu in meithahnak motor 12 le India lei in meithahnak motor pa hnih nih mei kang cu an thah.

February 7 ni zan sml.9 tluk khan Nanphalung bazar thlanglei i U Ngo inn in mei cu kangh hram aa thok i U Ngo inn pawng hin electric thilri le a puak khomi kudawng an chiahnak si tikah cu kudawng cun Bazar lei cu peh in a va kanghpi.

Zan sml.9 tluk in kangh hram aa thokmi a si tikah zinglei sml. 4 lawng ah mei zong cu ciam dih lak in an thah khawh ceomi a si. Nanphalung Bazar dawr khan 53 cu ciam dihlak in a kangh manh. Bazar a si tikah meithahnak motor zong fawi zau in a luh khawh zok lo ca zong ah mei hi fawite in an that kho zau lomi a si.

Nanphalung Bazar ah hin dawr khan 982 a um i cu chung ah dawr khan 53 cu mei nih ciam dihlak in a kangh manh. Hiti mei kangh a si ruang ah hin Bazar zong cu khar rih an si.

Bazar a kangmi cu zarh khat chung ah a thar in sak khawh a si dih te lai ti zong Nanphalung Bazar Committee lutlai U Win Myint nih a chim.

Nanphalung Bazar cu 1995-96 kum ah rak hunmi ramri bazar pakhat a si i 1997 kum lio November thla khan voi khat a rak kang bal cang. Tutan a kangh hi a voi hnihnak a kang zong a si.

Ref;The Voice

Na ruahning rak langhter ve.. (Leave a comment)

%d bloggers like this: